Koлку ѕвезди можат да се видат навечер?

Koлку ѕвезди можат да се видат навечер?

Доколку би започнале со броење на сите ѕвезди што ги гледаме, голема е веројатноста дека не би можеле да изброиме повеќе од илјада

Кога во ведра ноќ го набљудуваме небото посипано со ѕвезди, ни се чини како да ги има безброј. Па сепак, без телескоп видливи се само околу 6 000 ѕвезди.

Тоа не значи дека човек гледајќи во небото може да ги изброи сите шест илјади. Една четвртина од овој број се невидливи за нашето око, од проста причина што се наоѓаат премногу јужно. Од ѕвездите кои може да се набљудуваат од некое место на Земјата, во определен момент само половина од нив се видливи, бидејќи останатите се наоѓаат под хоризонтот. Дотолку повеќе што голем број ѕвезди близу хоризонтот не можат да се видат и поради небесната маглина.

Тогаш што ни преостанува? Доколку  би започнале со броење на сите ѕвезди што ги гледаме, голема е веројатноста дека не би можеле да изброиме повеќе од илјада.

Ѕвезденото небо може да се фотографира со помош на камера прицврстена на телескоп. На фотографија од една одредена точка на небото може да се видат многу повеќе ѕвезди, отколку со голо око. А ако филмот дополнително се експонира, на така добиената фотографија ќе може да се видат уште повеќе ѕвезди. Најпосле, ако се користи извонредно јак телескоп, станува возможно да се фотографираат повеќе од една милијарда ѕвезди.

Кога еднаш ќе се открие некоја ѕвезда на небото, тогаш мора да и се даде име или број за распознавање. Во дамнешни времиња, луѓето од многу краеви на светот (Арапите, Грците, Римјаните и Кинезите) им давале имиња на најјасните ѕвезди, како и на другите ѕвезди кои биле по нешто значајни. Така, повеќе од 100 ѕвезди го добиле своето име. Луѓето потоа дошле до идеја да се направи каталог на познатите ѕвезди. Првиот ваков каталог броел 1 026 ѕвезди, а датира од 137 година од нашата ера. Денешниот каталог содржи повеќе од 457 000 ѕвезди.

Share Button

Препорачани статии

Подготвителни часови за полагањe на IELTS (International English Language Testing System)

Подготвителни часови за полагањe на IELTS (International English Language Testing System)

Дополнителни информации може да се добијат на danaucime@gmail.com или 071/638997

Лела, мандарините поскапеа, а  ти си ми уште скарана“

Лела, мандарините поскапеа, а ти си ми уште скарана“

Овој графит е урбана скопска приказна и речиси и да нема некој во Скопје кој не го видел или барем не слушнал за него преку муабети од другите.

Се чекаме на Рекорд

Се чекаме на Рекорд

На ова место сигурно се чекале вашите баба и дедо, вашите родители, а денес и вие се чекате на Рекорд.

Како настанале имињата на македонските градови?

Како настанале имињата на македонските градови?

Дали некогаш сте се запрашале како е настанато името на вашето родно место?

Како скопските населби и маала ги добиле своите имиња?

Како скопските населби и маала ги добиле своите имиња?

Дали некогаш сте се запрашале како Драчево, Чаир, Аеродром или познатите скопски маала како Дебар Маало ги добиле своите имиња? Прочитајте го текстот и дознајте за потеклото на имињата на некои од нив