Како гледаат бувовите навечер?

Како гледаат бувовите навечер?

Во античка Грција бувот претставувал симбол на мудрост.

На бувовите веќе илјадници години им се придава посебно значење. Примитивните народи негувале многу празноверија поврзани со ова животно, главно поради неговиот необичен крик. Буката која ја прават бувовите во многу делови од Европа и денес се толкува како предзнак за смрт. Во античка Грција пак, бувот претставувал симбол на мудрост.

Разновидни врсти на бувови се распространети по целиот свет. Снежно белите пердуви на бувот од ледените арктички предели суптилно се вклопуваат со околината, чувајќи го на тој начин од погледот на предаторите. Може да се сретнат бувови со големина на врапче кои се хранат со скакулци и оси, но има и такви кои може да уловат и зајак.

Бувот е птица која е активна исклучиво ноќе, па поради тоа, целото нејзино тело е прилагодено на таквиот начин на живот. Кога ноќно време испуштаат крици, сеат страв кај сите животни кои се наоѓаат во нивна близина. И ако преплашеното животно се помести во таа прилика и направи некаков шум, бувот веднаш го лоцира тој шум, бидејќи има извонредно развиено сетило за слух. Ушите на бувовите се наклапушени, што не е случај со другите птици. Некои бувови имаат во задниот дел на ушите нешто што наликува на труба, што им овозможува подобро да слушаат.

Кога бувот ќе ја преплаши својата жртва и ќе го чуе шумот од нејзините чекори, може да го види својот плен дури и во потполн мрак. Постојат две причини за ваквата необична способност. Очните јаболчници кај бувот се многу еластични, така што тој може да ги насочува очите за само дел од секунда на било која далечина. Природата дополнително го обдарила ова животно и со способноста неверојатно многу да ги рашири своите зеници. Тоа му овозможува да гледа и при најмал зрак светлина. Очните јаболчници кај бувовите се така наместени, што тие мора секогаш да ја поместуваат и главата во оној правец во кој сакаат да погледнат.

Дури и пердувите му помагаат на бувот кога лови. Бувот има толку меки пердуви што може да лета речиси бесшумно и да се спушти нечујно кон пленот. Од друга страна, територијалното огласување на мажјакот во текот на мирните летни ноќи може да се слушне и на оддалеченост од 2-3 километри. Најчесто се огласува во квечерина, или во раните утрински часови. Бувовите имаат разни техники на лов. Може да го фатат пленот на земја, но и во полн лет. Oсобено сакаат да ловат ежови и змии и не се плашат од отровот на поскокот.

Share Button

Препорачани статии

Повик за учество на работилница ” Божиќно италијанско кафе – традиции и обичии”

Повик за учество на работилница ” Божиќно италијанско кафе – традиции и обичии”

Слушателите ќе имаат можност да научат многу интересни приказни за Божиќ во Италија и ќе имаат можност да дегустирате традиционални италијански божиќни слатки

Распоред на часови за интензивен курс по италијански јазик – почетно ниво локации Центар, Карпош 3 и Автокоманда
Распоред на часови за интензивен курс по англиски јазик – почеток 10.09

Распоред на часови за интензивен курс по англиски јазик – почеток 10.09

Информации за слободни места на danaucime@gmail.com или 071/638997

Распоред на часови за интензивен курс по германски јазик – почеток 10.09

Распоред на часови за интензивен курс по германски јазик – почеток 10.09

Дополнителни информации на danaucime@gmail.com или 071/638997

Mon ChouChou (Мон ШуШу)- Kids Fashion

Mon ChouChou (Мон ШуШу)- Kids Fashion

Mon ChouChou – Kids Fashion е место каде што ќе најдете модерни, уникатни, високо – квалитетни парчиња детска гардероба, наменети повеќе