Љубљана – мала шеќерна приказна

Љубљана – мала шеќерна приказна

Љубљана е град од бајките. Често споредуван со Прага, тој е градот од вашите детски фантазии. Иако нема принцови кои повеќе

Љубљана е град од бајките. Често споредуван со Прага, тој е градот од вашите детски фантазии. Иако нема принцови кои шетаат по бројните замоци, сепак има некој неопишлив шарм кој голем дел од европските градови веќе го изгубиле.

Материјализирајќи ја детската фантазија, магичните чуда, во Љубљана се наоѓаат добри кафулиња, интересна архитектура и има што да посетите.

Како би требало да ви изгледа еден максимално искористен ден?

 Наутро:

Љубљана е едно од местата кои најдобро се истражуваат пешачејќи или со велосипед.

Ljubljana-with-the-castle-p.hieng

Од главната железничка станица позната како Ljubljanska zeleznicka postaja, до тројниот мост (Tromostovije) има некои 20-минути одење.

Ако барате добро сместување, бројните хотели и мотели нежно сокриени покрај реката Љубљаница чинат 35-250 евра од вечер.

Овде, утрата имаат посебна убавина. Разбудете се уште во зорите и уживајте во прелевањето на розово – синото небо.

За да го почнете денот на совршен начин, почестете се со ароматично кафе и сладок кроасан заедно со реката од студенти, работници и секојдневните луѓе кои ги шетаат своите кучиња. Најдобро место за тоа е Централниот пазар кој започнува со работа уште во 6 часот наутро (секако, освен во недела).

Како што шетате помеѓу тезгите со свежо овошје, домашни маслени тинктури и дрвените играчки, упатувајќи се кон Љубљанската тврдина, ќе ги поминете Змејскиот и Месарскиот мост лоцирани од левата страна. Иако звучи чудно, Месарскиот мост е совршен за парови затоа што таму има многу заљубени кои прицврстуваат гравирани катинари со нивните имиња и ги фрлаат клучевите во реката.

Од друга страна, Змејскиот мост, опколен со 4 статуи на змејови го прикажува вистинскиот љубљански дух и самата смисла на градот. Постојат неколку легенди, но најпозната е онаа во која грчкиот херој Јасон и неговите аргонаути се бореле со змеј кој живеел во реката. Како заштитник на градот се смета токму тој змеј, а реинкарнации на зелени змејови можете да видите насекаде.

Ако сакате да ја посетите Љубљанската тврдина, најдобро ќе биде тоа да го направите пред 11 часот, бидејќи тогаш има најмалку посетители.

Задолжително одете до врвот на тврдината за да ја видите прекрасната панорама која ја има Љубљана. Иако тоа ќе ве чини скромни 5 евра, сепак тоа е нешто што не треба да го пропуштите. Од тука можете да ја забележите розовата црква која се крие под превезот на паркот Тиволи, кој е одличен за дневни прошетки.

Иако тврдината е модернизирана, нејзините почетоци датираат од 15-тиот век. Куклениот музеј, лоциран во близина на Љубљанската тврдина, е навистина интересен и забавен и кој вреди да застанете и да го посетите.

Captured at Ljubljana on the 14 October 2016 by Freya MullerПопладне:

Ако имате само едно попладне во Љубљана, тогаш ќе сте разочарани затоа што немате повеќе.

Ако времето ви дозволува, едно од најдобрите места каде може да го впиете живописниот љубљански шарм е паркот Тиволи. Таму имате ботаничка градина која може бесплатно да ја посетите, детски музеј, музеј на ликовна уметност, музеј на модерна уметност со цена од 5 евра и историскиот музеј кој чини 3.50 евра.

Како надополнување на прекрасните патеки, базените, тениските игралишта и спортскиот комплекс, паркот Тиволи нуди бројни интересни активности на кои можете да го потрошите денот. А дури во некои делови од паркот можете да си направите пикник.

Уште една навистина добра идеја која може да ја реализирате ако имате време, е посета на градот Блед, за кој имате возови на секој час.

Задолжително влезете во грандиозната црква Успение на Богородица која се наоѓа во центарот на ледничкото езеро Блед. Врнежи или сонце, магла или снег, езерото Блед ќе ве освои со својата убавина во било кое годишно време.

Можете да пешачите или да возите велосипед, а може и да изнајмите кајче за одблиску да ги истражите тиркизните води. Блед е градот кој не смеете да го пропуштите, кој ќе ве освои со својата хармонична убавина и ќе ви остави безброј спомени за кои уште долго ќе зборувате.

Навечер:

Ljubljana-soncni-zahod-rok-godec

Релаксирајте се во некое од кафулињата покрај реката Љубљаница со квалитетно локално вино. Словенија можеби не е позната како вински регион, но тоа не значи дека не произведува квалитетно вино. Всушност, голем дел туристи ја посетуваат токму поради тоа. Оваа земја е дом на најстарото произведувано вино во светот кое сѐ уште постои денес и после 400 години.

Верувале или не, добар избор за јадење е пицата. Дури, Словенците прават подобра пица од Италијанците. Затоа уживајте во доброто вино и вкусната пица кои ќе ве поведат на едно неверојатно патување од софистицирани вкусови.

За крај, прошетајте до Mestni trg т.е. до градскиот плоштад. Овој кварт датира од 12-тиот век и е исполнет со градби од Ренесансата и Барокот кои постојат уште од 17-тиот век.

Ако сте расположени за десерт и мала инспирација за уредување на домот, застанете до Роба.

Еден ден во Љубљана е како ден поминат во омилените приказни. Одново и одново, без престан. Затоа ако некој ве праша зошто сте го одбрале токму него, слободно одговорете дека сте во потрага по вашата бајка.

Share Button

Препорачани статии

Астрономскиот часовник во Прага

Астрономскиот часовник во Прага

Една од најголемите туристички атракции во Прага е токму астрономскиот часовник Орлој, кој што се наоѓа во рамките на старата повеќе

Љубљана – мала шеќерна приказна

Љубљана – мала шеќерна приказна

Љубљана е град од бајките. Често споредуван со Прага, тој е градот од вашите детски фантазии. Иако нема принцови кои повеќе

Истанбул – место каде Европа и Азија си подаваат рака

Истанбул – место каде Европа и Азија си подаваат рака

Истанбул! Местото што ги исполнува сите желби на светот и ви ги отвора портите кон непроценлива убавина, историја, шопинг и повеќе

Берлин – град каде што се спојуваат минатото и иднината

Берлин – град каде што се спојуваат минатото и иднината

Историја, уметност, ноќен живот, релаксација во природата – сето ова можете да го пронајдете во Берлин, најголемиот град во Германија и повеќе

Тајна под сонцето – Алгарве, Португалија

Тајна под сонцето – Алгарве, Португалија

Алгарве е најјужниот регион во Португалија, со сончеви денови во текот на целата година. На површина од 5,400км2 се крие ,,најпознатата повеќе