Рецепт за оригинални италијански лазањи

Рецепт за оригинални италијански лазањи

Благодарение на нашите пријатели од Часови по готвење можеме да уживаме во прекрасниот вкус на подготвените италијански лазањи. Добра идеја за ручек, нели?

Сигурно не познавате некој кој не сака или не пробал лазањи. Лазањите се највкусни ако се подготват дома. Богат фил од мелено месо и домати, топли листови тестенини за лазањи, бешамел сос и кога сето тоа ќе се запече,на вас ви останува само да седнете удобно на столчето и да уживате во вкусот на убавата Италија.

Потребно е:

  • 500 гр мешано мелено месо
  • 2 главици кромид, ситно исечкани
  • 2 моркови, исечкани на коцки
  • 1 страк целер, исечкан на коцки
  • 2 чешниња лук, ситно исечкани
  • 400 мл пелати
  • 2 лажици паста од домати
  • 1 чаша црвено вино
  • 1 пакетче тестенини за лазањи
  • зачини по едно лажиче: сув босилек, суво оригано, сув магдонос, сува жалфија, сув рузмарин, сол
  • бешамел сос (подолу е објаснето како да се подготви)
  • 60 гр пармезан

Подготовка:

Во тенџере ставете малку масло да се загрее. На загреаното масло ставете ги главиците ситно исечкан кромид, морковите и целерот да се пржат. Кога ќе омекнат, ставете го лукчето да се пропржи и да пушти арома. Ставете го виното да го деглазира дното на тенџерето и оставете да испари алкохолот. Потоа, ставете ги меленото месо и зачините. Убаво измешајте и ставете ги пелатите заедно со доматите.Ако се цели смачкајте ги со раце. Покријте со капак и оставете да се вари на тивко околу 45 минути.

3 2

 

 

Направете го бешамелот. Во тенџерче за сос ставете 200 грама путер да се растопи. На растопениот путер ставете 60 грама брашно и мешајте додека да се направи паста. Зачинете со едно лажиче мелено морско оревче, тргнете од рингла, ставете 1 литар ладно млеко, малку по малку, мешајте со жица за матење и вратете на рингла. Мешајте со жицата додека да се згусне сосот. На крај, зачинете со сол и бибер. Во бешамелот ставете 200 гр рендан пармезан. Почнете да ги редите лазањите: на тавче за печење ставете од сосот од месо, ставете еден ред тесто за лазањи (не треба да ги варите претходно), ред болоњезе, ред тесто за лазањи, ред бешамел сос. Повторувајте така додека да ги потрошите сите состојки.На крај треба да завршите со бешамел сос на кој ќе ставите малку болоњезе сос и ќе ги измешајте на врвот. Попрскајте со пармезан и ставете да се пече во рерна загреана на 220 целзиусови степени, околу 35 до 45 минути, во зависност од вашата рерна. Печете додека да краевите почнат да се одвојуваат и да создаваат меури.

3 4 5

 

 

Топло ви препорачуваме да прочитате и како се  подготвуваат и таљатели, фетучини или запечени јуфки! Разубавете си го вашиот ден читајќи ги рецептите од Часови по готвење!

 

 

Share Button

Препорачани статии

Што всушност не сте знаеле за Фејсбук

Што всушност не сте знаеле за Фејсбук

Фејсбук како „културно поле“ меѓу народите на денешницата, каде што се разменуваат мисли, идеи и ставови. Мрежно место кое е повеќе

8 минутна јога за подобар сон

8 минутна јога за подобар сон

Заборавете на броење овчички пред спиење, како метод со кој полесно ќе отпатувате во земјата на соништата.

Сок од пченица за чистење на грло

Сок од пченица за чистење на грло

Зелениот дел од пченицата е совршен извор на витамини и минерали неопходни за организмот.

Уредете ја вашата соба според Фенг шуи

Уредете ја вашата соба според Фенг шуи

Фенг шуи спалната треба да биде удобна, пријатна и полна со енергија. Како да ја создадеме?

Најкреативните постелнини на светот

Најкреативните постелнини на светот

Дали би сакале и вие да имате слична?